Vitenskapsteori og metode

Faget skal gi kunnskap om og forståing for vitskapsteori, -historie og -filosofi, metodologi, datagenerering og analyse. Det skal førebu studentane til arbeid med eiga masteroppgåve ved å gi djupare innsikt i erkjenningsteori (epistemologi), ulike vitskapstradisjonar (teoretisk og metodologisk) og kjenneteikn ved godt vitskapleg arbeid. Faget skal også førebu studentane til å lese, forstå og reflektere om ulike typar forskingslitteratur. Faget innbyr til kunnskap og refleksjonar om tilhøvet mellom forsking, forskar, fag og samfunn i eit overordna perspektiv. Det gir også reiskapar til å analysere datamateriale i eiga masteroppgåve, og moglegheit til å setje eige prosjekt i ein vitskapsteoretisk samanheng. Faget innbyr vidare til utvikling av forskaretikk og til forståing for samanhengen mellom epistemologi, metodologi og forskingsmetodar. Delar av emnet (om lag 1/3) går føre seg i mindre grupper med eigne seminarleiarar der studentane fordjupar seg, med utgangspunkt i ei første prosjektskisse til masteroppgåva og/eller eiga interesse.

Kunnskap

Kandidaten

• har inngåande kunnskap om sentrale utviklingstrekk og kontroversar gjennom vitskapshistoria
• har kunnskap om ulike forskingstradisjonar og vitskapsparadigme
• har kunnskap om grunnleggjande resonnement og framgangsmåtar innanfor ulike metodiske tilnærmingar
• har relevant kunnskap om omgrepsbruk innanfor ulike metodiske tradisjonar

Ferdigheter

Kandidaten

• kan diskutere og reflektere over ulike sider ved forskingstradisjonar og vitskapsparadigme
• kan identifisere og diskutere samanheng mellom vitskapsteori og metode i forskingsarbeid
• kan kritisk vurdere og tolke forskingsresultat opp mot bruk av metodar
• kan reflektere sjølvstendig over ulike forskingsetiske spørsmål

Generell kompetanse

Kandidaten

• kan analysere og vurdere tilhøvet mellom empirisk kunnskap, teoretiske og metodologiske problemstillingar på både eit teoretisk og praktisk/konkret nivå
• kan inngåande vurdere vitskapleg usikkerheit, avgrensingar og moglegheiter ved ulike metodar
• kan vurdere forskingsetikk i eiga og andre si forsking

Læringsformer

Seminar, arbeid i grupper, individuelt arbeid, førelesingar, tekstseminar.

Obligatoriske aktiviteter/arbeidskrav

3-5 refleksjonstekster og 1 tekst om aktuelt forskingsprosjekt

I løpet av studiet skriv studentane 3-5 korte tekstar der dei reflekterer over sentrale omgrep og perspektiv i emnet. Dei leverer også ein tekst med tankar om aktuelt forskingsprosjekt og der hovudtyngda ligg på å reflektere over mulige forskingsetiske utfordringar.

Obligatoriske arbeidskrav må være bestått før studenten kan fremstille seg til eksamen i dette emnet.