Vitenskapsteori, metodologi og analyse

Faget skal gi kunnskap om og forståing for vitskapsteori, vitskapshistorie, metodologi og analysemåtar. Det skal førebu studentane til arbeid med eiga masteroppgåve ved å gi djupare innsikt i erkjenningsteori (epistemologi), ulike vitskapstradisjonar (teoretisk og metodologisk) og kjenneteikn ved godt vitskapleg arbeid.
Faget innbyd til kunnskap og refleksjonar om både tilhøvet mellom forsking, forskar, fag og samfunn i eit overordna perspektiv. Det gir også reiskapar til å analysere datamateriale i eiga masteroppgåve, og moglegheit til å setje eige prosjekt i ein vitskapsteoretisk samanhang. Faget innbyd vidare til utvikling av forskaretikk og til forståing for samanhengen mellom epistemologi, metodologi og forskingsmetodar.

Kunnskap, kandidaten
- har inngåande kunnskap om sentrale utviklingstrekk og kontroversar gjennom vitskapshistoria
- har kunnskap om ulike forskingstradisjonar og vitskapsparadigme
- har kunnskap om grunnleggjande resonnement og framgangsmåtar innanfor ulike metodiske tilnærmingar
- har relevant kunnskap om omgrepsbruk innanfor ulike metodiske tradisjonar


Ferdigheter, kandidaten
- kan identifisere og diskutere samanheng mellom vitskapsteori og metode i forskingsarbeid
- kan kritisk vurdere og tolke forskingsresultat opp mot bruk av metodar - kan reflektere sjølvstendig over ulike forskingsetiske spørsmål
- kan diskutere og reflektere sjølvstendig over ulike sider ved forskingstradisjonar og vitskapsparadigme


Generell kompetanse, kandidaten
- kan analysere og vurdere tilhøvet mellom empirisk kunnskap, teoretiske og metodologiske problemstillingar på både eit teoretisk og praktisk/konkret nivå
- kan inngåande vurdere vitskapleg usikkerheit, avgrensingar og moglegheiter ved ulike metodar
- kan vurdere forskingsetikk i eiga og andre si forsking

Ein kombinasjon av førelesingar, gruppearbeid og presentasjonar. Obligatoriske innleveringar og presentasjonar skal vere godkjende før studenten kan gå opp til eksamen. I den grad obligatoriske arbeidskrav er knytt til undervisninga, er deltaking obligatorisk.