Bygningsvern

Innafor norsk kulturminneforvaltning står bygningsvernet sentralt. Dette krev kunnskapar om norsk bygningshistorie, om innhenting og skaping av informasjon om bygningar og innsikt i relevante utfordringar i bygningsvernet. Gjennom varierte aktivitetar tar kurset sikte på å gi ei grunnleggjande praktisk og teoretisk innføring i bygningsvern.

Ein kandidat som har bestått emnet, er forventa å ha følgjande totale læringsutbytte i høve til studieplanens skildring av emnet, definert som kunnskapar og ferdigheiter:

Kunnskapar

Kandidaten

• har grunnleggjande kjennskap til verneteori brukt på bygningsvernet
• har oversiktskunnskap i norsk bygningshistorie og i bygningsvernets historie
• har kjennskap til grunnleggjande terminologi om bygg og bygghandverk som del av ein bestillarkompetanse

Ferdigheiter

Kandidaten

• kan gjennomføre ei enkel bygningsoppmåling og tilstandsvurdering
• kan innhente og samanstille informasjon om bygningar
• kan gjennomføre eit større prosjekt basert på gruppearbeid
• kan lage ei skriftlig framstilling av bygningsdokumentasjon med tilhøyrande kulturminnefaglige drøftingar

Forelesingar, seminar, ekskursjonar og feltarbeid. Kurset består av ein teoridel og ein praktisk del og har tyngdepunktet i andre del av semesteret. For å kunne levere den endelige prosjektoppgåva i emnet må studentane ha godkjent tre obligatoriske innleveringar. Aktiv deltaking er nødvendig for å kunne gjennomføre kurset.