Spesialiseringsemne i fransk språkvitenskap

Emnet inneheld følgjande komponentar:

- Fransk grammatikk (2/3 av emnet)

- Variabelt språkvitskapeleg tema (1/3 av emnet).

Arbeidet med grammatikk og andre språkvitskaplege tema skal gje studentane større innsikt og dugleik i moderne fransk språk.

Kunnskapar

Kandidaten har ved avslutta emne:

- kjennskap til moderne tilnærmingsmåtar innan fransk grammatikk

- innsikt i tilnærmingar til studien av språkbruk eller språklæring

Dugleik

Kandidaten er ved avslutta emne:

- i stand til å gjera greie for hovuddraga i moderne fransk grammatikk

- i stand til å diskutera ulike teoriar om språkbruk eller språklæring og trekke teoriane inn i eigne analysar

- i stand til å analysere setningsstrukturar og forskjellige aspekt ved språkbruk eller språklæring

Generell kompetanse

Kandidaten har eit grunnlag for å arbeide med moderne fransk grammatikk og teoriar om språkbruk eller språklæring på ein vitskapeleg måte

Det blir gjeve førelesingar, seminar og gruppeundervisning i om lag 12 veker. Studentane skal sjølv delta aktivt i undervisninga, for eksempel ved å leggje fram eller diskutere artiklar, eigne analysar eller anna fagstoff. Undervisninga skjer i samarbeid mellom UiB og NTNU, og er nettbasert.

Obligatorisk aktivitet:

For å kunna ta eksamen i emnet må studentane få godkjent ei øvingsoppgåve i grammatikk gitt i samband med undervisninga.

Godkjenninga av obligatoriske arbeidskrav er gyldig i undervisningssemesteret og semesteret etter.