Dansens historie og estetikk

Temaet gir ei kort innføring i estetikkens teori og historie med utgangspunkt i dans, og ein konsentrert gjennomgang av europeisk dansehistorie med utsyn til andre verdsdelar. Gjennomgangen omfattar enkle praktiske øvingar og gjennomgang av illustrasjonsmateriale på m.a. video. Studentane får innføring i verkanalyse, kjeldekritikk og tolking av kjelder, og arbeider individuelt og i grupper med historisk kjeldemateriale ut frå mappeoppgåver.

Kunnskapar:Ein kandidat med fullført kvalifikasjon i DANS2001
• har kunnskap om europeisk dansehistorie og estetikk
• har kunnskap om teori og metode knytt til dansehistoria og estetikk
• har kunnskap om danseverksanalyse, kjeldekritikk og tolking av kjelder
Ferdigheiter:Ein kandidat med fullført kvalifikasjon i DANS2001
• har ferdigheiter til å tolke kjeldehistorisk materiale knytt til dans
• kan utføre enkel danseverksanalyse og setje verk inn i ein historisk kontekst
• kan vurdera ein gitt dans ved å henvise til estetiske kategoriar
Generell kompetanse:Ein kandidat med fullført kvalifikasjon i DANS2001
• kan gjera presentasjonar av mappeoppgavar løyst gjennom kollokviearbeid
• kan formidla fagleg innsikt og underbygge den med fagleg litteratur

Førelesingar, øvingar, grupper.
Nærmere om vurderingsordninga: Studentane leverer mappeoppgåver som blir vurderte med samla bokstavkarakter etter avslutting av undervisninga. Mappa skal innehalda svar på ei kjeldehistorisk oppgåve løyst gjennom kollokviearbeid og etterfølgjande presentasjon i klasserom. Klasseromsoppgåva kan erstattast med svar leverte som heimeoppgåve. Ho inneheld vidare to oppgåvesett: ein danseverkanalyse og ein kort refleksjon om et utvalgt estetisk begrep som utrykt i utvalgt dans. Dei tre oppgåvesetta tel likt. Stryk ein på mappa, må heile mappa leverast på nytt.