Tradisjonspraksis folkedans

Emnet omfattar ei innføring i folkeleg danseteknikk knytt til dansepraksis, der refleksjon, filmanalyse, og innlæring av eit dansemateriale står i fokus og der ein arbeider ut frå ei praktisk, kroppsleggjord tilnærming. Det tek opp sjangerbegrep om dans til diskusjon. Det er eit hovudpoeng å arbeida med folkeleg stil i danseteknikk og dansemusikk og med analytisk terminologi.
Emnet høyrer også nøye saman med anten DANS1011 eller med vidareutdanningskurset DANS6005 Norsk folkelig dans, og går slik inn i ein heilskap saman med eitt eller begge emna.

Kunnskapar:Ein kandidat med fullført kvalifikasjon i DANS1012
• har kunnskap om danseterminologi
• har kunnskap om sjangerbegrep i dans
• har kunnskap om eit utval folkedanseformer

Ferdigheiter:Ein kandidat med fullført kvalifikasjon i DANS1012
• har ferdigheiter til å jobbe med folkeleg stil og danseteknikk ut frå filmdokumentasjon
• kan reflektere over eigen dans og justere den under rettleiing
• kan analysere folkelege danseformer ved hjelp av terminologi
• kan danse folkelege danseformer

Generell kompetanse:Ein kandidat med fullført kvalifikasjon i DANS1012
• kan bruke terminologi og analytiske metodar i praktisk arbeid
• kan føre ein dialog om eigne og andre sine ferdigheiter

Samlingsbaserte førelesingar, praktiske øvingar og rettleiing. Obligatorisk oppmøte i undervisninga.
Nærmare om eksamensordninga: praktisk prøve.
Studentane blir vurderte med bokstavkarakter for ei praktisk prøve i dansepensum.