Prokaryot molekylærbiologi og syntetisk biologi

Emnet vert gjeve annakvart år, neste gong våren 2028. Kurset vil omfatte spesielle emne innan grunnleggjande prokaryot molekylærbiologi og fysiologi og syntetisk biologi, dette kan variere basert på behova til studentane

• Genekspresjon og -regulering
• Vekst og energi
• Koordinering og regulering av mikrobiell metabolisme
• Celledifferensiering
• Kommunikasjon og interaksjon mellom celler
• Sekundærmetabolisme
• Genetiske nettverk
• Utforming, konstruksjon og ekspresjon av syntetiske spor.
• Teknikkar og verktøy for genetisk manipulering
• Syntetiske genom og genredigering
• -omics-teknologiar (Genom og transkriptom; Proteom; Metabolom, fluxom og lipid.)

Målet med emnet er å gje ei forståing av fysiologien til den mikrobielle cella, og korleis han kan manipulerast, med vekt på tema som er viktige for syntetisk biologi. Den andre delen fokuserer på framgangsmåter og verktøy som vert nytta i syntetisk biologi. Etter avslutta kurs skal studenten ha innsikt i prokaryot molekylærbiologi og fysiologi på eit høgt nivå, og kunne analysere gjevne problem og foreslå framgangsmåtar for å løyse dei. For tema om genetiske nettverk og -omics-teknologier er målet at studentane skal forstå kva desse verktøya kan bidra med i eit prosjekt.

Tema i emnet blir presenterte ved å bruke nyare litteratur, førelesingar og diskusjonar. Studentane skal også arbeide med og presentere ei oppgåve som poster eller foredrag. Emnet vert undervist på engelsk og eksamen vert berre gjeven på engelsk. Kurset vert gjeve som intensivkurs over 3+3 dagar (totalt 36 undervisningstimar). I tillegg kjem 144 timar sjølvstudium og 16 timars arbeid med presentasjonen.

Om for få studentar melder seg, vert kurset arrangert som ei studiegruppe.